أنا و هي
مريالتين رايحين كل يوم الصبح المدرسة
أحلمنا صغيرة كراسة و مصاصة و حتة ملبسة
أنا و هي
كبرنا و عرفنا يعنى أية نيل و مركب و مشاعر حلوة ملهلبة
وعرفنا كمان يعنى أية سكشن و مظاهرة جمدة موالعة
وعرفنا كمان يعنى أية عرفى وجوازة زفت مهببة
أنا و هى
كبرنا أكتر و عرفنا يعنى أية بطالة و شباب على اللرصفة مترمية
و عرفنا كمان يعنى أية جواز و مأزون و أية أسرة جميلة صغيرة شرعية
أنا و هى
وكبرنا تانى و شفنة العيال بيروحوا نفس المدرسة
و أحلمهم نفس الأحلام الصغيرة الكويسة
قالتلى ماتيجى نقلهم الحقيقة و أن كل دة هلس و ان الناس كلها مهيسة
بالاش تروحوا و تيجوا و تضيعوا وقتكم فحصة الحساب و الهندسة
و شفلكوا سبوبة و عيشوا عيشة الفهلوه
قلتيلها لا سيبيهم يتمتعوا بالدنيا و الأحلام
بقولك هو مش النهاردة الخميس متجى ندخل ننام
بصتلى بتريأهة و قلتلى و ريينى نفسك يا بطل الآبطال و بطل الافلام
أنا و هى
No comments:
Post a Comment