كان ياما كان

كان ياما كان
زمان زمان
قبل الزمان و الأوان
شعب طيب أسمه شعب بتنجان
يحكمة ملك ألعبان
مش من البلد
دة كان من التركمان
كان شخليلة فى أيد الأحتلال
و الشعب يا عينى غلبان
كل عرقة و شقاه
و زرعه و هناه
ياخدوه البهوات الأعيان
تعبوا كتير
و حربوا كتير
لجل يمشى الأحتلال
و يخلصوا من الملك الألعبان
طلع من العسكر
رجالة جدعان
و قالوا أحنا الظباط الأحرار
هانشيل الملك و نخلى ليلكو نهار
و هاتزرعوا أرضكم طماطم و خيار
و كل فلاح ليه خمس فدادين
فرحت الناس و قام الناس القعدين
يسقافوا للرجالة الحلوين
و كله أستنا العز و النعيم
فات شهر ورا شهر
و سنة ورا سنة
ولا شافوا عز ولا نعيم
شافوا السجون و المعتقلات
و كل واحد يقول فين حقى هات
أى حد يكتب فى السياسة تلات كلمات
يروح ورا الشمس فى المعتقلات
يا عينى على شعب دولة بتنجان
زى مايكون أتكتب عليه الحزن طول الزمان
العسكر مسكين البلد و الشعب جعان
يحارب أبن البلد و يموت فى الميدان
و فى القصر قاعدين الظباط الأحرار الجدعان
ضيعوا الأرض و خدوها اليهود أعداء الرحمن
و لسة العسكر حاكمين البلد بالحديد و النار
و يحارب الشعب تانى و ياخد أرضه من الكفار
و يفتح العسكر البلد لكل التجار
و تموت صناعة البلد و ترتفع الاسعار
و يكبر فى البلد الحرامى و الفهلوى و يبقا من الشطار
و يتخلى العسكر عن القضية و يصلحوا الكفار
و يقلولنا أن السلام أحسن أختيار
صدق الشعب الغلبان
يمكن يشوف العز و النعيم و الكفيار
بس العسكر لسة برضوا حكمين بالحديد و النار
و كمان جابوا واحد حمار
حرامى و مفترى و جبار
حكم البلد أكتر من 26 ليل من غير نهار
جاب البلد تحت خط الفقر
و مص دم الغلابة هو و مراتة و كتاكيته الصغار
و الحاشية حوالية حسابهم فى بنوك سويسرة
بالين و اليورو و الدولار
يا بختك المايل يا شعب بتنجان
هاتعيش جعان و تموت جعان
حتى الهرم بكرة يبعوه للأمريكان

كان ياما كان
زمان زمان